«Соғысты аяқтайтын уақыт келді». Байден Израильдің Газа секторындағы әскери әрекеті туралы айтты

Израиль Газа секторындағы атысты тоқтату бойынша жаңа ұсыныстар айтты, деп мәлімдеді АҚШ президенті Джо Байден. Бұл туралы Azattyq Rýhy агенттігі Bild басылымына сілтеме жасап хабарлайды.

«Бұл соғысты аяқтайтын уақыт келді. Кепілге алынған әйелдер, қарттар мен жаралылар босатылуы тиіс. Оның орнына Израиль жүздеген палестиналық тұтқынды түрмеден босатқысы келеді», - деді Байден.

Өткен жылдың 7 қазанында ХАМАС Израильге шабуыл жасаған уақытта тұтқынға алынған 130-дан астам адам әлі де аталмыш ұйымның қолында.

Алты апталық бітім барысында Израиль мен ХАМАС өкілдері атысты тоқтату туралы келіссөздер жүргізеді деп күтіліп отыр. Израиль тарапы егер ХАМАС келісімдерді орындаса, соғыс біржола тоқтайтынын және Израиль әскері Газа секторындағы барлық елді мекеннен шығарылатынын атап өтті.

АҚШ президенті Израильдің жаңа ұсынысын «ұзаққа созылған атысты тоқтату және кепілге алынғандарды босату жол картасы» деп атады, сонымен қатар ХАМАС «бұл келісімді қабылдауы керек» деп атап өтті. AFP ақпарат агенттігінің хабарлауынша, ХАМАС бұл ұсынысқа «оң» бағасын берді.

«АҚШ президенті Байден айтқан Израиль ұсынысы үміт нұры болды және тығырықтан шығудың жолын көрсете алады», - деді Германияның сыртқы істер министрі Аннален Барбок.

Оның айтуынша, енді ХАМАС ұйымы қақтығысты тоқтатқысы келетінін дәлелдеу керек.