Алматының оңтүстік-шығысында тағы жер сілкінісі болды

Қазақстандық сейсмологтар Алматының оңтүстік-шығысында тағы бір жер сілкінісін тіркеді, деп хабарлайды Azattyq Rýhy.

Қазақстан ТЖМ ғылыми орталығының сейсмикалық станциялары желісінің мәліметі бойынша, 29 сәуір күні сағат 17: 06-да Алматыдан оңтүстік-шығысқа қарай 273 шақырым жерде - Қытай аумағында жер сілкінісі болды.

Сейсмологтар бұл құбылысты афтершок деп атады.

• Жер сілкінісінің энергетикалық класы - 10.
• MPV магнитудасы - 4,5.
• Тереңдігі - 5 шақырым.

Қазақстан аумағында жер асты дүмпулері сезілмеді.