БҚО-да су басқан үйінде бірнеше күн бойы қалып қойған ер адам құтқарылды

БҚО-да бірнеше күн бойы су басқан үйінде қалып қойған ер адамды құтқарлды, деп хабарлайды Azattyq Ruhy ҚР ІІМ баспасөз қызметіне сілтеме жасап.  

БҚО полиция департаментінің басшылығы өз мүлкіне алаңдаған саяжай қоғамдары тұрғындарымен кездесу өткізуге барған. Сол кезде су басқан үйден ер адамды байқайды.

«Полиция қызметкерлерінің жұмысын бақылау және су басқан елді мекендерді тексеру барысында полицейлер саяжай қоғамында тұрып жатқан азаматты байқады.Ол өзінің су басқан үйінде бірнеше күн бойы болғаны белгілі болды. Ер адам құтқарылып, қауіпсіз жерге жеткізілді», - делінген хабарламада.