Қостанай облысында ауыл әкімі асылып өлген күйінде табылды
Болған оқиғаның мән-жайы анықталып жатыр

Қостанай облысындағы Пресногорковский ауылдық округінің әкімі Тастемір Тұрсынбаев асылып өлген күйінде табылды. Бұл туралы TobolInfo ақпарат агенттігі жариялады, деп хабарлайды Azattyq Rýhy.
Кейінірек облыстық полиция департаментінің баспасөз қызметі Ұзынкөл ауданындағы үйдің ауласында ер адамның мәйіті табылғанын растады.
«Ұзынкөл ауданындағы үйдің ауласында ер адамның мәйітін табу дерегі бойынша қылмыстық іс қозғалғанын хабарлады. Болған оқиғаның мән-жайы анықталып жатыр», - делінген хабарламада.
Полиция департаментінің хабарлауынша, барлық қажетті тергеу әрекеттері жүргізіліп жатыр. Тиісті сараптамалар тағайындалған.
Жүргізілетін тергеу шеңберінде ҚР ҚІЖК-нің 201-бабына сәйкес өзге де мәліметтер жария етілмейді.