Ақмола облысының криминалисі 110 жыл бұрын шығарылған револьверді тапты
Қару 40 жыл бұрын ұрланған
Ақмола облысының криминалисі 40 жыл бұрын ұрланған револьвердің маркировкалық нөмірін анықтады. Бұл туралы Azattyq Ruhy тілшісі Polisia.kz-ке сілтеме жасап хабарлайды.
2023 жылдың соңында Ақмола облысында зауыттық нөмірлері жойылған, антикварлық қаруға жататын, 1914 жылы басып шығарылған Наган револьвер жүйесі табылды. Бірнеше ай өткеннен кейін револьвер Ақмола облысының ПД ЖКБ бас криминалисі Аян Имағанбетовтің қолына түсті.
Аян – қарудың көптеген түрімен жұмыс істеу тәжірибесі бар маман, ол әрбір бөлшегін бөлшектеп қарап, револьверді мұқият зерделей бастады. Оның кәсіби көзқарасы револьвердің маркировкалық нөмірін табуға көмектесті.
ІІМ есептері бойынша тексеру кезінде бұл қарудың Қызылорда облысының аумағында 1981 жылы ұрланғаны белгілі болды. Енді полиция қызметкерлерінде револьвердің басқа өңірге қалай жеткенін, оны қолдана отырып, өткен 40 жылда қандай қылмыс жасалуы мүмкін екенін анықтау міндеті тұр.
