Қызылордада халықаралық іздеуде жүрген қылмыскер ұсталды

Әзірге ол уақытша ұстау изоляторына қамаққа алынды

Коллаж: Azattyq Ruhy

Қызылорда облысы Полиция департаментінің Криминалдық полиция басқармасының қызметкерлері жедел іздестіру шаралары жүргізілді, деп хабарлайды Azattyq Ruhy ҚазАқпаратқа сілтеме жасап.

«Жедел іздестіру шарасы барысында өткен жылдан бері тергеуден бой тасалап, халықаралық іздеуде жүрген Қызылорда қаласының 50 жастағы тұрғыны құрықталды. Ол адам ұрлау бойынша қылмыс жасаған деп айыпталуда. Полицейлер күдіктіні Қызылорда қаласында жасырынып жүрген жерінен анықтады», - деп мәлім етті Қызылорда облыстық полиция департаментінен.

Ведомствоның мәліметінше, ол уақытша ұстау изоляторына қамаққа алынды.

Тергеу амалдары жалғасуда.

Мақалада

#Қызылорда #полиция #қылмыскер #халықаралық іздеу

Алдыңғы жаңалық

«24 күн аштық жарияладым»: Арыстанбек Мұхамедиұлының сотта тағы бір ісі қаралып жатыр