Қарағанды ​​мектептерінде балаларды 7 жыл бұрын мерзімі өтіп кеткен дәрімен емдеген

Сондай-ақ 3 мыңға жуық оқушыға медициналық қызмет көрсетілмегені анықталды

Қарағанды ​​мектептерінде балаларды 7 жыл бұрын мерзімі өтіп кеткен дәрімен емдеген
elements.envato.com

Қарағандының прокурорлары мектептерде медицина саласындағы жүйелі заңбұзушылықтарды анықтады, деп хабарлайды Azattyq Ruhy.

Прокурорлық тексеру барысында медициналық қызмет көрсетпеу, сонымен қатар жарамдылық мерізімі өткен дәрілік заттарды сақтау фактілері анықталды.

«2022 жылдан бастап Қарағанды қаласының мектептерінде 3 мыңға жуық оқушыға медициналық қызмет көрсетілмегені анықталды. Мектептердің бірінің медициналық кабинетінде аллергиялық және шок реакциясының ауыр түрлерінде шұғыл емдеудің бір бөлігі ретінде қолданылатын, жарамдылық мерзімі өткен, «Преднизолон» ампулалары сақталған», - делінген облыстық прокуратура хабарламасында.

Облыстың басқа мектептерінде жарамдылық мерзімі 5-7 жыл бұрын өтіп кеткен дәрілік препараттар табылды.

Қадағалау шараларымен мерзімі өткен дәрі-дәрмектер жойылды, кінәлі тұлғалар жауапкершілікке тартылып, 7000 баланың құқығы қорғалды.

×
Бұл желілік ресурстың ақпараттық өнімдері 18 жастан асқан адамдарға арналған.