Ақтөбе облысында боранда далада қалған жолаушылар құтқарылды
Ауа райының күрт нашарлауына байланысты жедел штаб құрылып, жедел желі байланысы қосылды
Ақтөбе облысында боранды күні жолда қалған 140 адам құтқарылды, деп хабарлайды Azattyq Ruhy Төтенше жағдайлар министрлігіне сілтеме жасап.
Авариялық құтқару жұмыстарына ТЖД, полиция бөлімі мен жергілікті атқарушы органдардан 135 адам және 67 техника қатысты.
Авариялық құтқару жұмыстары барысында 140 адам қауіпсіз аймаққа көшіріліп, 5 адам құтқарылды.
7 ақпанда Хромтау ауданында «Самара-Шымкент» автожолының 806-шы шақырымында «Шымкент-РФ-Новотроицк» бағыты бойынша жолаушылар автобусы бұзылды, онда 68 Тәжікстан азаматы болған.
Азаматтар Ақжар кентінің кемпингіне жеткізілді.
Әйтеке би ауданында «Самара-Шымкент» автожолының 965 км жабық учаскесінде жол бойындағы кемпингтен Қарабұтақ кентінің жылыту пунктіне дейін 56 Өзбекстан Республикасының азаматы мен «Ташкент-Мәскеу» жолаушылар мінген автобусы жүрді.
Өткен тәулікте ауа райының нашарлауына байланысты облыс аумағында 5 Республикалық және 4 облыстық автокөлік жолдары жабылды.
Ауа райының күрт нашарлауына байланысты тұрғындарға көмек көрсету мақсатында жедел штаб құрылып, жедел желі байланысы қосылды.
Жедел желінің байланыс номері: 54-85-24
Ақтөбе облысының ТЖ департаменті азаматтарға ауа-райының өзгеруін қадағалауға, ауа-райының нашарлауы және автожолдарда автокөлік қозғалысына шектеулер енгізу кезінде жолға шықпауға кеңес береді.
