Жер сілкінісінен Алматы облысында 44 нысан бүлінді - әкімдік

Олардың ішінде денсаулық сақтау және білім беру объектілері бар

Фото: Әсет Құндақбаев

Алматы облысында жер сілкінісінен қырықтан астам нысан бүлінді. Жергілікті атқарушы органдармен бірлесіп, орын алған жер сілкінісі салдарынан жарықтар пайда болған Алматы облысының аумағындағы нысандарды комиссиялық тексеру жүргізілді, деп хабарлайды Azattyq Ruhy.

«2024 жылғы 24 қаңтарда Алматы облысының аумағында тіршілікті қамтамасыз ету объектілері мен әлеуметтік маңызы бар объектілерді қосымша көзбен шолып тексеру нәтижелері бойынша 44 объектіде жарықтар табылды», - делінген хабарламада.

Атап айтқанда:

Ұйғыр ауданы бойынша-11 объект (Денсаулық сақтау объектісі-1, білім беру объектілері-8, әлеуметтік нысандар. кульбыта МҮ-2)
Еңбекшіқазақ ауданы бойынша-14 нысан (білім беру объектілері-7, Денсаулық сақтау объектілері-1, әлеуметтік нысандар. кульбыта МҮ-6)
Талғар ауданы бойынша-3 объект (білім беру объектілері-3)
Кеген ауданы бойынша-4 объект (Денсаулық сақтау объектісі-4)
Жамбыл ауданы бойынша-2 объект (білім беру объектілері-2)
Райымбек ауданы бойынша-3 нысан (білім беру объектілері-2, әлеуметтік нысандар. кульбыта МҮ-1)
Іле ауданы бойынша-3 объект (Денсаулық сақтау объектілері-3)
Қарасай ауданы бойынша-4 объект (білім беру объектілері-4).