Сеулдегі «қанды» Хэллоуин: айыпты анықталды

Оңтүстік Кореядағы 2022 жылғы Хэллоуин оқиғасы үшін Сеул полициясының басшысы айыпты деп танылды, деп хабарлайды Azattyq Ruhy.

Бұл туралы CNN хабарлады.

«Қызметіне салғырт қарағаны салдарынан Итэвон ауданында шамадан тыс көп адам жиналды және оның соңы 159 адамның өлімімен аяқталды», - деді CNN жергілікті БАҚ-қа сілтеме жасап.

2022 жылы 29 қазанда болған оқиғадан көз жұмғандар қатарында қазақстандық студент Мадина Шерниязова болғанын еске саламыз.

Айта кетерлігі, Сеул полициясының басшысы Ким Кван Хо – бұл оқиға үшін айыпты деп танылған Корея құқық қорғау жүйесіндегі ең жоғары лауазымды тұлға. Бұған дейін екі полиция қызметкері дәлелдерді жасыруға тырысқаны үшін сотталған болатын.