«Химтерапияны алмастыруы мүмкін»: Ұлыбритания балалар онкологиясын емдеуге арналған жаңа препаратты мақұлдады

Ұлыбританияда қатерлі ісікке шалдыққан балаларға арналған жаңа дәрі қолдануға рұқсат етілді. Жаңа препарат химиотерапияға қарағанда құрамында химиялық қоспасы аз және жанама әсерлері де көп емес, деп хабарлайды Azattyq Ruhy BBC Russian-ға сілтеме жасап.

Дәрі-дәрмекті алғаш рет Лондондағы ең үлкен балалар ауруханасы қолдана бастады. Алғашқы пациенттердің бірі лейкозбен ауыратын 11 жастағы Артур болды. Оның ата-анасы препараттың елеулі жанама әсерлері болмағанын айтты. Артурға жаңа препараттың алғашқы дозасы ауруханада енгізілді, бірақ ол көп ұзамай үйіне орала алды.

Тағы бір артықшылығы - бұл дәрі-дәрмекті ауруханада ғана емес, үй жағдайында да қабылдауға болады.

Алайда, тіпті жаңа және тиімдірек препараттар пациенттің денсаулығына, кейде өміріне қауіп төндіреді.

Ең қауіпті жанама әсерлердің бірі аллергиялық реакциядан туындайтын - анафилактикалық шок болуы мүмкін. Бұл тіпті науқастың өліміне әкелуі мүмкін.