Иранда Пәкістанның зымыран шабуылынан қаза тапқандар саны 9-ға жетті

Иранның Сараван қаласында Пәкістанның зымыран шабуылынан қаза тапқандар саны 9 адамға жетті, деп хабарлайды Azattyq Ruhy.

Бұл туралы Tasnim агенттігі провинция губернаторының орынбасарына сілтеме жасап хабарлады.

Систан мен Белуджистан губернаторының қауіпсіздік жөніндегі орынбасарының айтуынша, жарылыс салдарынан үш әйел мен төрт бала, кейіннен екі ер адам қаза тапты. Қаза тапқандардың барлығы Иран азаматтары емес.

Сондай-ақ жергілікті уақыт бойынша сағат 04:30 шамасында Сераван ауданының шекаралас ауылдарының бірінде бірнеше жарылыс болғаны хабарланды. Ауданның әкімшілік орталығы Сераван қаласына жақын маңда тағы бір жарылыс тіркелгенін, бірақ ешкім зардап шекпегені хабарланды.

Бұған дейін Пәкістан Сыртқы істер министрлігінің баспасөз қызметі лаңкестікке қарсы Marg Bar Sarmachar атты операция басталғанын, соның аясында Иранның Систан және Белуджистан провинциясында орналасқан «терроршылардың жасырынған орындарына» соққы берілгенін хабарлаған болатын.