АҚШ пен Ұлыбритания Йемен астанасына жаңа әуе шабуылын жасады

АҚШ пен Ұлыбритания Йемен астанасы Санаға жаңа әуе шабуылын жасады, деп хабарлайды Azattyq Ruhy РИА Новости ақпараттық агенттігіне сілтеме жасап.

«АҚШ пен Ұлыбританияның авиациясы Сананың солтүстігіндегі Ад-Длейми авиациялық базасына тағы да соққы берді», - деді агенттіктің сұхбатшысы.

Жаңа соққы туралы ақпаратты кейінірек Fox News телеарнасы аты аталмаған шенеунікке сілтеме жасай отырып растады.

Бұған дейін АҚШ пен Ұлыбритания Йеменнің солтүстігіндегі «Ансар Алла» (хусит) қозғалысының нысандарына қарсы әскери операция бастағанын хабарлаған болатынбыз. Ұлыбритания премьер-министрі Риши Сунак бұл соққылардың Қызыл теңіздегі жаһандық кеме қатынасын қорғау үшін жасалғанын мәлімдеді.