Қазақстанның сегіз облысында ауа райының қолайсыздығына байланысты жолдар жабылды

Қазақстанда ауа-райының нашарлауына байланысты (нөлден төмен температурада жаңбыр, көктайғақ, жел) көлік қозғалысына шектеу енгізілді, ол елдің 8 облысында республикалық маңызы бар автожолдардың 47 учаскесінде қолданылады, деп хабарлайды Azattyq Rýhy «ҚазАвтоЖол» Ұлттық компаниясы» АҚ баспасөз қызметіне сілтеме жасап.

Автокөліктің барлық түрлері үшін қозғалысты шектеу енгізілді: 

• Абай облысында - 1 учаскеде;
• Ақмола облысында - 11 учаскеде;
• Ақтөбе облысында - 4 учаскеде;
• Жетісу облысында - 1 учаскеде;
• Қарағанды облысында - 2 учаскеде;
• Қостанай облысында - 10 учаскеде;
• Павлодар облысында - 4 учаскеде; 
• Солтүстік Қазақстан облысында - 14 учаскеде. 

Қазіргі уақытта Республикалық маңызы бар автожолдардағы жұмыстарға 477 техника жұмылдырылды.

Маңызды ақпаратпен осы жерден танысуға болады.