Қазақстан мен Сауд Арабиясы тікелей әуе қатынасын ашуға келісті

Екі ел арасындағы рейстер 2024 жылдың көктемінен бастап орындалады

Қазақстан мен Сауд Арабиясы Алматы – Эр-Рияд бағыты бойынша тікелей әуе қатынасын ашу туралы уағдаласты, деп хабарлайды Azattyq Ruhy Сыртқы істер министрлігінің баспасөз қызметіне сілтеме жасап.

«Тиісті шешімге Қазақстан Республикасы Премьер-Министрінің орынбасары – Сыртқы істер министрі Мұрат Нұртілеудің Қазақстан-Саудия Сауда-экономикалық, ғылыми-техникалық және мәдени ынтымақтастық жөніндегі Үкіметаралық комиссиясының 6-шы отырысына қатысу үшін Сауд Арабиясына сапары шеңберінде қол жеткізілді», - делінген хабарламада.

Елдер арасындағы рейстерді Сауд Арабиясының «FlyNas» әуекомпаниясы 2024 жылдың көктем-жаз маусымынан бастап аптасына 7 рейс жиілігімен орындайтын болады.

Мақалада

#Сыртқы істер министрлігі #Қазақстан #Сауд Арабиясы #халықаралық рейс

Алдыңғы жаңалық

Жедел ақпарат: Үш облыста көлік қозғалысына шектеу қойылды