Бүгін Қазақстанның басым аумағында күн ашық болады

Синоптиктер 16 қарашаға арналған ауа райы болжамын жариялады, деп хабарлайды Azattyq Ruhy.

«Бүгін еліміздің басым бөлігінде антициклон жотасының ықпалымен ашық, жауын-шашынсыз ауа райы сақталады», - делінген «Қазгидромет» хабарламасында.

Республика бойынша тұман түсіп, жел күшейеді.

Еліміздің батысында және солтүстігінде атмосфералық фронттардың өтуіне байланысты жаңбыр (жаңбыр, қар) жаууы, көктайғақ болуы мүмкін.

Астанада көшпелі бұлт шығады, жауын-шашынсыз ауа райы болады, жел жылдамдығы 9-14, екпіні 15-20 м/с жетеді. Ауа температурасы түнде 0…+2°C, күндіз +7…+9°C болады.

Алматыда көшпелі бұлт шығады, жауын-шашынсыз ауа райы болады, жел 3-8 м/с жетеді. Ауа температурасы түнде +1...+3°C, күндіз +16...+18°C болады.

Шымкентте көшпелі бұлт шығады, ауа райы жауын-шашынсыз болады, жел 5-10 м/с жетеді. Ауа температурасы түнде +4...+6°C, күндіз +22...+24°C болады.