COVID-19: АҚШ-та бір тәулікте 1169 адам қайтыс болды

АҚШ-та бір тәулік ішінде коронавирустан 1169 адам көз жұмып, бұл Италияның өлім көрсеткішінен асып түсті деп жазады РИА Новости.

Әзірге ең көп өлім Италия мен Испанияда тіркелгенімен, АҚШ-та аурудың таралу қарқыны мен өлім көрсеткіші өте жоғары. Бүгінде елде коронавирустан 5926 адам көз жұмған. Италияда – 13 915, Испанияда – 10 348.

Бір тәулікте қайтыс болғандар саны жағынан АҚШ бірінші орынға шығып отыр. Бұған дейінгі Италияда 27 наурызда тәулігіне 969 өлім тіркелген болатын.

Еске салайық, Қазақстанда COVID-19 вирусын жұқтырғандар саны 3 сәуірге дейінгі мәліметтер бойынша 435 адамды құрады. 3 адам қайтыс болған.