Костенко шахтасындағы апаттан зардап шеккен екі кенші ауруханадан шығуға дайындалып жатыр

Костенко шахтасында зардап шеккен кеншілер ем алуды жалғастыруда, мамандандырылған медициналық топтар олардың жағдайын жақсарту үшін қолдан келгеннің бәрін жасайды. Екі пациент жақын арада үйлеріне жіберіледі. Бұл туралы Қарағанды облыстық Денсаулық сақтау басқармасы мәлім етті, деп хабарлайды Azattyq Rýhy.

Қарағанды облысының стационарларында қазір 24 пациент емделуде, барлық зардап шеккендердің гемодинамикалық көрсеткіштері тұрақты, жағдайдың нашарлауы байқалмайды.

«Профессор Х. Ж. Мақажанов атындағы көпсалалы аурухананың токсикология бөлімінде жеңіл және орташа ауырлықтағы уытты газдармен улану белгісімен түске 20 пациент бар, олар детоксикация терапиясын және симптоматикалық ем алады. Бір пациент политравмамен реанимация бөлімінде жатыр. Жағдайы бірқалыпты. Тағы бір зардап шегуші травматология бөлімінде пневмоторакс диагнозымен ем алады, жағдайы – орташа ауыр. Улы газдармен уланған екі кенші «Шахтинск қаласының орталық ауруханасы» КМК терапия бөлімінде жатыр, олардың жағдайы – орташа ауыр», - делінген ақпаратта.

Қабылдау-диагностикалық бөлімшелер деңгейінде зардап шеккендер тексеріліп, амбулаториялық емдеуге жіберілді. Барлық пациенттерге қажетті диагностикалық тексерулер мен манипуляциялар жүргізілді, медициналық көмек көрсету үшін барлық бейінді қызметтер тартылды, Қазақстан Республикасы Денсаулық сақтау министрлігінің республикалық мамандарымен – Травматология және ортопедия және нейрохирургия ғылыми орталықтарымен консультациялар өткізілді, сондай-ақ қажетті облыстық мамандар тартылды.

Айта кету керек, трагедия орнында психологиялық көмек көрсету және үйлестіру аясында 16 психолог жұмыс істейді. Сонымен қатар, зардап шеккендер мен олардың туыстарына қолдау көрсету және көмек көрсету үшін мамандар келеді.