Қарағанды облысындағы Костенко шахтасында жарылыс болып, 11 адам қаза тапты

Қарағанды ​​облысындағы Костенко атындағы шахтада жарылыс болып, 11 адам қаза тапты. Тағы 18 адам әртүрлі дәрежедегі жарақаттармен ауруханаға жеткізілді. Бұл туралы Қарағанды облысының әкімі желідегі парақшасында жариялады, деп хабарлайды Azattyq Rýhy.

«Шахтаға келген сәттен бастап менің басшылығыммен жедел штаб құрылды, оның құрамына жауапты адамдар мен әріптестерім кірді. Оқиға орнында 40 құтқарушы, 10 бірлік техника және қаза тапқандар мен зардап шеккендердің туыстарына көмек көрсететін 3 психолог жұмыс істеуде. Сенім телефондары жұмыс істейді: (8-7172) 49-72-70, (8-7212) 51-72-23. Қаза тапқан кеншілердің туыстары мен жақындарына көңіл айтамын. Біз сіздермен бірге боламыз және осы қиын күндерде сіздерді қолдаймыз», - деп жазды аймақ басшысы.

 «АрселорМиттал Теміртау» АҚ баспасөз қызметінің мәліметінше, шахтада өрт шыққанын 28 қазанға қараған түні шахта шебері хабарлаған. Бұл кезде шахтада 252 кенші болған. Оқиға орнына жеткен құтқарушылар 205 кеншіні сыртқа шығарды.

Алдын ала болжам бойынша, лавада газ метан жарылған.