Болашақ стипендиаттары Израильден шұғыл эвакуацияланды
Ғылыми орталықтарда тағылымдамадан 16 стипендиат өтуі тиіс болған
Израильдегі қазақстандық Болашақ стипендиаттары шұғыл елге оралмақ. Air Astana әуекомпаниясының рейсі Тель-Авивтен Алматыға 10 қазанда Астана уақыты бойынша сағат 16:45-те ұшты, деп хабарлайды Azattyq Ruhy Ғылым және жоғары білім министрлігінің баспасөз қызметіне сілтеме жасап.
«Болашақ» бағдарламасы бойынша тағылымдамадан өткен 14 қазақстандық азамат шұғыл эвакуацияланды. Ұлттық мереке кезеңінде Дубайға ұшқан тағы 2 студент Қазақстанға жақын репатриациялық рейспен қайтарылады», - делінген ведомствоның хабарламасында.
Естеріңізге сала кетейік, Израильде «Болашақ» бағдарламасы аясында Rabin Medical Center, Sheba Medical Center және т. б. ғылыми орталықтарында тағылымдамадан өтетін 16 стипендиат болған.
