Мьянмада лагерьге жасалған шабуылдан 29 адам қаза тапты
Шабуылдан 50-ден астам тұрғын жараланды
Мьянманың Қытай Халық Республикасымен шекарасындағы босқындарға арналған лагерьге жасалған әскери соққыдан 30-ға жуық адам қаза тауып, 50-ден астамы жараланды, деп хабарлайды Azattyq Ruhy.
Бұл туралы AFP Качин штатындағы сепаратистік Качин тәуелсіздік армиясының өкіліне сілтеме жасап хабарлады.
«Шабуыл орнынан 29 адамның мәйіті табылды, оның ішінде балалар мен қарт адамдар да бар. Сондай-ақ 56 адам зардап шекті», - деді өкіл агенттікке берген сұхбатында.
Ол қазіргі уақытта лагерьге шабуыл жасау әдісі зерттеліп жатқанын және шабуылдың ұшқышсыз ұшу аппаратының көмегімен жасалған болуы мүмкін екенін айтты.
Шетелдік және елдің оппозициялық бұқаралық ақпарат құралдары Мянма билігі халыққа қарсы әуе бомбаларын қолданып жүргенін мезгіл-мезгіл хабарлап отырады. Мысалы, The Irrawaddy басылымы жыл басынан бері әскерилер Сикайн аймағында, сондай-ақ Карен, Качин және Чин штаттарындағы азаматтық және қарсыласу нысандарына әуе шабуылдарын күшейткенін мәлімдеді. Бұл жағдай этникалық қарулы топтардың «2023 жылы әскери билікті құлатуға уәде берген» сөзінен кейін жиілеген.
