Ақмола облысында шетелдік инвестор 63 млрд теңгенің жобасын іске асыра алмай келген

Ақмола облысының прокуратурасы құны 63 млрд теңге болатын «Big Farm» ЖШС (Urbas Crupo) инвестициялық жобасының проблемалық мәселесін оң шешті, деп хабарлайды Azattyq Ruhy.

Ведомство мәліметінше, жылына 7200 тонна асыл тұқымды сиыр етін өндіруді жоспарлап отырған испан инвесторы 3 жыл ішінде инвестициялық жобаны жүзеге асыру үшін қажетті жер учаскесін ала алмаған.

«Сондай-ақ ол құрылысқа рұқсат беру құжаттарын алуда кедергілер мен әкімшілік кедергілерге тап болған. Бүгінгі таңда облыс прокуратурасы кешенді шаралармен «Big Farm» ЖШС шетелдік инвесторының (отандық бизнес өкілдерінің қатысуымен) жобасын сүйемелдеу шеңберінде жұмысын бастады», - делінген прокуратура хабарламасында.

Прокуратураның негізгі міндеті – проблемаларды тиімді шешу, инвесторлардың құқықтары мен заңмен қорғалатын мүдделерін қалпына келтіру.

«Егер Сіз инвестор болсаңыз және жобаны іске асыруда проблемаларыңыз болса, облыс прокуратурасының кәсіпкерлер мен инвесторлардың құқықтарын қорғау жөніндегі мобильді тобы (байланыс нөмірі +7705 129 11 40) арқылы прокуратура қызметкерімен тікелей байланыса аласыз», - деп ескертеді ведомство өкілдері.