Сомалиде лаңкестік шабуылдан қаза тапқандар саны 21-ге жетті

Сомали орталығындағы бақылау-өткізу бекетіне жасалған лаңкестік әрекеттен қаза тапқандар саны 21-ге жетті, деп хабарлайды Azattyq Ruhy.

AFP агенттігінің жазуынша, бұл туралы Сомали полицейі Ахмед Яре Адан мәлімдеген.

«Ғимарат қирандыларының астынан тағы мәйіттер табылғаннан кейін жарылыс салдарынан қаза тапқандар саны 13-тен 21-ге дейін өсті», - деді полиция қызметкері.

Сонымен қатар кем дегенде 45 адам зардап шекті. Із-түзсіз жоғалғандарды іздеу жұмыстары жалғасып жатыр.

Еске салсақ, 23 қыркүйекте Беледуэйн қаласындағы бақылау-өткізу бекетінде жарылыс болды. Жанкешті жарылғыш зат толтырылған жүк көлігін басқарған. Оқиға салдарынан ондаған адам үйілген кірпіш пен бетон астында қалып қойды.