Қытайдың шығысында құйын соғып, он адам қаза тапты

Қытайдың Цзянсу провинциясының шығысында орналасқан Суцянь қаласында соққан алапат құйын салдарынан он адам қаза тауып, тағы төрт адам ауыр жарақат алды, деп хабарлайды Azattyq Ruhy.

Бұл туралы сәрсенбі күні Қытайдың орталық телеарнасы хабарлаған.

Сейсенбі күні кешке адамдар жұмыстан үйлеріне қайтып жатқан уақытта қаланың бірнеше бөлігінде қатты дауыл соққан. Соның салдарынан 5,5 мыңнан астам адам зардап шеккен.

«Құйын 137 тұрғын үйді қиратып, 1,6 мыңнан астам үйді зақымдады. Жергілікті билік 405-ке жуық адамды табиғи апаттан зардап шеккен аудандардан уақытша көшіруге мәжбүр болды», - делінген Associated Press хабарламасында.