Google және Amazon Үндістанға миллиардтаған доллар инвестициялауға дайын екенін мәлімдеді

АҚШ-тың Google және Amazon компаниялары басшыларының Үндістан Премьер-Министрі Нарендра Модимен кездесуінің қорытындысы бойынша Үндістанға 10 және 15 млрд доллар инвестициялауға дайын екендіктерін мәлімдеді. Бұл туралы Press trust of India (PTI) ақпарат агенттігі хабарлады.

Google компаниясының бас директоры Сундар Пичайдың айтуынша, компания басшылығы 2020 жылы іске қосылған Үндістан үшін Google цифрландыру қорына 10 миллиард доллар инвестициялайды. Бұл инвестициялар жергілікті экономиканың қаржылық технологиялар секторын дамытуға көмектеседі, сондай-ақ Азия елінің шағын және ірі бизнес өкілдерін қолдау шарасы болады.

«Біз Гуджарат штатындағы GIFT city-де жаһандық қаржылық технологиялар операциялық орталығының ашылғанын жариялаймыз», - деді Пичай.

GIFT City (Gujarat International Finance Tec-City) – Үндістанның Батыс Гуджарат штатындағы Гандинагара қаласының маңындағы ірі іскерлік аудан.

Amazon өз кезегінде Үндістанға қосымша 15 млрд доллар инвестиция салуды жоспарлап отыр. Компания басшысы Эндрю Джесси Amazon қазірдің өзінде үнді нарығына 11 млрд доллар инвестиция салғанын айтты.