Halyk Bank коронавируспен күресіп жатқан медициналық қызметкерлерге 100 млн теңге бөледі
Банк барлық қазақстандықтарды бұл бастамаға қосылуға шақырды
Halyk Bank бүгінгі күні қатерлі індетпен тікелей күресіп жатқан отандық медициналық қызметкерлерді қаржылай қолдау үшін 100 миллион теңге бөлу туралы шешім қабылдады. Бұл туралы банктің баспасөз қызметі хабарлады.
«Банк Қазақстан азаматтарының денсаулығын сақтауда тәуілік бойы, демалыссыз жұмыс істеп жатқан медицина қызметкерлерінің жанкешті еңбектерінің маңыздылығын ескере отырып, қаржылық көмек беруді жөн көріп отыр. Өз кезегінде Банк барлық қазақстандықтарды және отандық компанияларды бұл бастамаға қосылып, қазақстандықтардың денсаулығы мен өмірі үшін күресіп жатқан медицина қызметкерлеріне қол ұшын беруге шақырады», - деп жазылған хабарламада.
Медициналық қызметкерлерді қаржылай қолдау мақсатында Halyk Bank қосымша арнайы шот ашқан. Осылайша коронавирустық індетпен күресіп жатқан медициналық қызметкерлер Halyk Bank-тен 100 миллион теңге және арнайы ашылған шоттағы қаражатты алатын болады.
Карталық шот:
Деректемелері:
KZ046010001286000064
Бенефициар банктің БСК – HSBKKZKX
Бенефициар банктің БСН – 940140000385
ТМК – 119 «Қайтарымсыз ақша аударымы»
КБе – 14
