Украинадағы соғыс: Ресей Купянск қаласындағы өлкетану мұражайына оқ жаудырды

Харьков облысының Купянск қаласындағы өлкетану мұражайын жойған ресейлік зымыран екі адамның өмірін қиды: директор және оның орынбасары, деп хабарлайды Azattyq Ruhy.

Euronews ақпараттық агенттігінің жазуынша, шабуылдың салдары бірнеше басқа да ғимараттарға зақым келтірді, алты адам жарақат алды.

Жергілікті билік шабуыл аймағында әскери нысандар және басқа құрбандар болмағанын айтты.

«Мұнда әскери ештеңе жоқ, бұл адамдар көп жүретін азаматтық нысан. Абырой болғанда, бүгін гуманитарлық көмек жеткізілмеді, сондықтан басқа зардап шеккендер болған жоқ, аялдамада да адамдар болған жоқ», - дейді Купянск әскери әкімшілігінің басшысы.

Соңғы айларда соғыс алаңына айналған Купянск сейсенбі күні таңертең бірнеше ресейлік С-300 зымырандарымен, соның ішінде мұражайды қиратқан зымырандардың оқтарына тап болды.

Ресей Қорғаныс министрлігі бұл бағыттағы авиацияның жұмысын растады, бірақ қаланың өзінде емес деді.

Ресейдің Украинадағы іс-әрекетінде «Вагнер» ЖӘК маңызды рөл атқарады, алайда талай әскері соғыс алаңында бақилық болып жатса да, топтың жетекшісі Евгений Пригожин әлі де еріктілерді шақыруын жалғастырып отыр.