Астанадан қала маңына қатынайтын қоғамдық көліктер қозғалысы тоқтатылды

Астанадан қала маңындағы 16 бағытқа қатынайтын қоғамдық көліктер қозғалысы тоқтатылды, деп хабарлайды Azattyq Rýhy CTS көлік компаниясына сілтеме жасап.

Компания мәліметінше, күн райының қолайсыздығына және трассалардың жабылуына байланысты қала маңындағы №304, 305, 307, 308, 309, 310, 312, 313, 315, 316, 317, 318, 321, 322, 327, 328 бағыттардың қозғалысы уақытша тоқтатылды.

Қала маңына қатынайтын қалған бағыттағы автобустар жүріп жатыр.

Астанада қар жауып, боран соғып тұр. Ауа температурасы нөлден төмен.