Қытайда карантинге жабылғандар орналасқан ғимарат құлады, қайтыс болғандар бар

Қытайда коронавирус жұқтырғандар карантинге жатқызылған бұрынғы қонақ үй ғимараты опырылып құлады деп хабарлайды РИА Новости. Әзірге екі адамның қайтыс болғаны анық.

Құтқарушылар үйінділер астынан 50 адамды аман алып шықты. Қазір 20 адамды іздеу жұмыстары жүргізіліп жатыр.

Фуцзиянь провинциясындағы Xinjia Express қонақ үйінде карантинге жабылған адамдар жатыр. Олар бұған дейін науқастармен тығыз қарым-қатынаста болған. Ғимараттың өзі небәрі 2018 жылы салынып бітіп, пайдалануға берілген екен. Оның не үшін құлағаны әзірге белгісіз.