«Аса өрескел қателік байқамадық»: ТМД бақылаушы Миссиясы

ТМД елдерінен халықаралық байқаушылар Миссиясының өкілдері Қазақстандағы Мәжіліс пен мәслихат сайлауын бақылау туралы өз есебін жариялады, деп хабарлайды Azattyq Ruhy.

ТМД бақылаушылар миссиясының басшысы, ТМД Бас хатшысының бірінші орынбасары Леонид Анфимовтың айтуынша, миссия мүшелері 832 сайлау учаскесіне барған. Олар дауыс беру процесінің тиянақты ұйымдастырылғандығы мен ашықтығын атап өтті.

«Ұлттық және халықаралық бақылаушыларға байқау үшін қажетті жағдайлар жасалған. Сайлау учаскелері ақпараттық материалдармен және қажетті жабдықтармен жабдықталған. Дауыстарды санау рәсімі заңнамаға сәйкес өтті. Аса өрескел кемшіліктерді байқамадық. Өз есептерінде ТМД бақылаушылары миссиясы сайлау нәтижелеріне әсер ете алмайды», - деді Леонид Анфимов.

Миссия басшысы атап өткендей, ОСК-ға ағымдағы сайлау науқанына қатысты 444 өтініш келіп түсті. Олардың 90% - дан астамы қолданыстағы заңнаманы түсіндіру бойынша келіп түскен.  Қалғандары депутаттыққа кандидаттарды тіркеу, сайлау алдындағы үгіт, сайлаушылар тізімін жасау, сайлауды бақылау үшін аккредиттеу мәселелеріне қатысты болыпты.

«Миссия сайлауды дайындау және өткізу кезінде азаматтардың, депутаттыққа кандидаттардың, сайлау процесіне басқа да қатысушылардың сайлау құқықтары мен бостандықтарын қорғау үшін жағдайлар жасалғанын, шағымдар мен арыздарды жедел қарау, сайлау заңнамасының бұзылуына уақтылы ден қоюды қамтамасыз етеді», - деді Леонид Анфимов.

Миссия өкілдері Ақмола, Шығыс Қазақстан, Батыс Қазақстан, Қарағанды, Түркістан облыстарында, Жетісу облысында, Астана, Алматы және Шымкент қалаларында, сондай-ақ Астрахань, Ашхабад, Баку, Бішкек, Брест, Брюссель, Ереван, Қазан, . Минск, Мәскеу, Омбы, Париж, Пекин, Рим, Санкт-Петербург, Сеул, Ташкент қалаларындағы 16 шетелдік сайлау учаскелерінде дауыс беру рәсімдері мен қорытындыларды қадағалаған.

Барлығы 196 бақылаушы болып, олардың 10-ы ұзақ мерзімді негізде жұмыс істеген.

«Тәуелсіз Мемлекеттер Достастығының Бақылаушылар миссиясы Қазақстан Республикасы Парламенті Мәжілісі мен мәслихат  депутаттарының сайлауы қолданыстағы заңнамаға сәйкес жоғары деңгейде өтті деп есептейді. Сайлауды ұйымдастырушылар азаматтардың ерік білдіру құқығын іске асыру үшін барлық жағдайды жасады»,- деді Леонид Анфимов.

Қазақстанның барлық өңірлерінде 19 наурызда Парламент Мәжілісі мен мәслихаттар депутаттарын сайлау аяқталды. ОСК-ның алдын ала деректері бойынша, елорда уақытымен сағат 22:10-дағы жағдай бойынша облыстар мен Республикалық маңызы бар қалалар бойынша келушілер саны 54,19%, яғни 6 521 860 адамды құрады.