$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

ШҚО-да үгіт-насихат жұмысы аясында ауыл медицинасы мәселесі талқыланды

Кездесу соңында ауыл тұрғындарының ұсыныс-пікірі тыңдалды

ШҚО-да үгіт-насихат жұмысы аясында ауыл медицинасы мәселесі талқыланды

«AMANAT» партиясының кандидаты Әсем Мамутова сайлауалды үгіт-насихат жұмысы аясында Самар ауданында сайлаушылармен кездесті, деп хабарлайды Azattyq Ruhy.

Кездесуде партиялық бағдарламаның ауыл медицинасына қатысты басымдықтары айтылды.

«Көптеген ауыл тұрғыны медициналық көмек алу үшін әлі күнге дейін ондаған, жүздеген шақырым жол жүруге мәжбүр. «AMANAT» партиясы ауылдағы жас маманға берілетін көтерме жәрдемақыны 10 миллион теңгеге дейін арттыруды қамтамасыз етеді. Бұл ауылдағы кадр тапшылығы мәселесін шешуге мүмкіндік береді», – деді облыстық мәслихат депутаттығына үміткер Әсем Мамутова.

Айта кетейік, «AMANAT» жақын маңдағы жедел жәрдем стансаларының арақашықтығы мен жарақтандырылуын ескере отырып, жедел және медициналық көмек көрсету нормативтерін қайта қарауға, ауылдағы санитариялық автокөліктерді жабдықтауға ниетті.

«Ауыл тұрғындарының скрининг тізімін он бір түрге дейін арттырамыз. Бұған қоса, телемедицина құралдарын енгіземіз. Бір сөзбен айтқанда ауыл медицинасы түбегейлі өзгереді. Жалпы ауыл өмірі түрелене түседі. Бұл сөзімді «Халықпен бірге!» бағдарламасының бағыттары айғақтайды. Сондықтан алдағы саяси науқанда «AMANAT» партиясына дауыс беріңіздер», – деді Әсем Мамутова.

Кездесу соңында ауыл тұрғындарының ұсыныс-пікірі тыңдалды.

Шығыс Қазақстан облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді

Серіктес жаңалықтары