Қапшағай су қоймасында 12 балықшы құтқарылды

Қапшағай су қоймасында 12 балықшы құтқарылды, деп хабарлайды Azattyq Ruhy.

Алматы облысы ТЖД баспасөз қызметі мәлім еткендей, оқиға 5 наурызда болған.

«Сағат 15.44 -те Алматы облысы ТЖД кезекші бөлімінің пультіне Қапшағай су қоймасында, «Голубой залив» құмды жағажай ауданында мұз жарылып, сынған мұз кесегі жағадан алыстап бара жатқаны туралы хабарлама келіп түсті. Мұздың сынған бөлігінде (мұздың қалыңдығы шамамен 15 см, сыртқы ауа температурасы +130) 12 адам қалған. Оқиға орнына дереу Қонаев қаласындағы жедел-құтқару жасағының қызметкерлері жіберілді», - делінген хабарламада.

Шақыру орнына келген кезде балықшылар жағадан 30 метр қашықтықта мұздың сынған бөлігінде екені анықталды.

«ТЖД құтқарушылары мұздың сынған бөлігіндегі балықшыларды жүзу құралдарының көмегімен жағаға эвакуациялады. Құтқарылған азаматтар құтқарушыларға алғысын білдірді. Медициналық көмек қажет болмады. Олардың барлығы Алматы қаласының тұрғындары болып шықты», - делінген хабарламада.

Алматы облысы ТЖД қызметкерлері күн сайын мұз асты балық аулау әуесқойларымен су айдындарында қауіпсіздік ережелерін түсіндіре отырып, профилактикалық іс-шаралар өткізеді, оның барысында оларға дауылды ескертулер туралы ақпарат беріледі.

«Құрметті мұз астынан балық аулау әуесқойлары! Температураның жоғарылауына және желдің күшеюіне байланысты қазіргі уақытта мұзға шығу қауіпті екенін ескертеміз!», - дейді мамандар.