Қазақстандық құтқарушылар мінген ұшақ Түркияның Газиантеп қаласына қонды

Мемлекет басшысының тапсырмасымен Түркияға аттанған қазақстандық құтқарушылар Газиантеп қаласына қонды. Бұл туралы Azattyq Ruhy ҚР ТЖМ-ның баспасөз қызметіне сілтеме жасап хабарлайды.

Келесі кезең жеке құрамды, техника мен жабдықты түсіру, сондай-ақ жергілікті билік органдарымен өзара іс-қимыл жасау болады. Құтқарушыларға іздестіру-құтқару жұмыстарын жүргізу үшін арнайы учаске бекітіледі деп күтілуде.

Еске сала кетейік, ТЖМ құтқарушыларының иелігінде құтқарушы құрал-жабдықтары: гидравликалық және пневматикалық жабдықтар, гидравликалық домкраттар, пневмодомкраттар, перфораторлар, жарықтандыру құралдары, палаткалар, спутниктік терминал, каркасты модуль, автотехника бар.

Айта кетейік, Түркия мен Сирияда жойқын жер сілкінісінен 5 мыңға жуық адам қаза болды.