Қазақстанда Адам құқықтары жөніндегі комиссияның құрамы жаңарды

Мемлекет басшысы Қасым-Жомарт Тоқаев ҚР Президенті жанындағы Адам құқықтары жөніндегі комиссияның құрамына өзгерістер енгізу туралы құжатқа қол қойды, деп хабарлайды Azattyq Ruhy.

ҚР Президентінің 2003 жылғы 19 наурыздағы № 1042 Жарлығына өзгерістер енгізу туралы құжатқа 27 қаңтарда қол қойылды.

Аталған комиссия құрамына:

• Алауханов Есберген Оразұлы – «Наука и жизнь Казахстана» халықаралық ғылыми журналының бас редакторы (келісім бойынша);
• Бейсембаев Ғани Бектайұлы – Қазақстан Республикасының Білім министрі;
• Есқараев Азамат Несіпбайұлы – Қазақстан Республикасының Әділет министрі;
• Артур Ермекұлы Ластаев - Қазақстан Республикасындағы Адам құқықтары жөніндегі уәкіл (келісім бойынша);
• Нұрбек Саясат – Қазақстан Республикасының Ғылым және жоғары білім министрі;
• Асхат Раздықұлы Оралов – Қазақстан Республикасының Мәдениет және спорт министрі;
• Хасанова Шахноза Кулабдулаевна - «Сана Сезім» әйелдер бастамаларының құқықтық орталығы» қоғамдық бірлестігінің директоры (келісім бойынша);
• Ударцев Сергей Федорович - Қазақстан Республикасы Конституциялық Сотының судьясы (келісім бойынша) енді.

Сондай-ақ комиссия құрамынан:

Мәдениет және спорт экс-министрі Дәурен Абаев, Конституциялық сот төрағасы Эльвира Әзімова, Конституциялық Кеңестің бұрынғы мүшесі Иоган Меркель, Конституциялық Соттың судьясы Қанат Мусин, Конституциялық соттың судьясы Еркін Оңғарбаев шығарылды.