Сирияда бес қабатты тұрғын үй құлап, ондаған адам қаза тапты

Сирияның сотүстігіндегі Алеппо провинциясында тұрғын үй опырылып түсіп, кем дегенде 16 адам қаза тапты, деп хабарлайды Azattyq Ruhy.

Бұл туралы Синьхуа агенттігіне сілтеме жасай отырып, ҚазАқпарат агенттігі хабарлайды.

Тағы бірнеше адам түрлі жарақат алып, ауруханаға түскен.

Шейх-Максуд ауданында орналасқан бұл бесқабатты үйде көбіне күрд ұлтының өкілдері тұрған.  Тұрғын үйдің іргетасын су шайып, оған шыдамаған ғимарат құлап түскен. Жергілікті ішкі істер министрлігінің ақпаратына сүйенсек, үйде 7 отбасы тұрып келген.

«Сана» мемлекеттік ақпарат агенттігінің хабарлауынша, құтқарушылар әлі аман қалғандарды іздестіріп жатыр.