Елімізде ауа райының нашарлауына байланысты 61 жол учаскесі жабылды

Қазақстанда қарлы боран салдарынан көру деңгейі нашарлап, көктайғақ болып жатқандықтан және жол төсемін тазартуға байланысты тасжолдардың 61 учаскесі жабылды, деп хабарлайды Azattyq Ruhy.

Төтенше жағдайлар министрлігінің мәліметінше, ауа райының нашарлауына байланысты жабылған жолдардың ішінде 26-ы – республикалық маңызы бар жолдар.

Автокөліктердің жиналуы келесі өңірлерде байқалады:

• Астана – 8 бірлік техника;
• ​Астана-Щучинск – 8 жүк көлігі;
• Ақтөбе облысы – 30 көлік;
• ​Ақтөбе-Қарабұтақ – 30;
• ​Абай облысы – 85 автокөлік;
• Қалбатау ауылынан шығу – 46 автокөлік;
• Көкпекті-Қалбатау – 39 автокөлік;
• Павлодар облысы – 20 автокөлік:
• Шідерті-Қарағанды – 20 автокөлік.

Төтеншеліктердің айтуынша, елдімекендерден шыққан кезде барлығы 143 бірлік техника арнайы бекеттерде жолдың ашылуын күтіп тұр.

«Өткен тәулікте 37 адам эвакуацияланды және құтқарылды, оның ішінде 9 бала бар», - делінген ТЖМ хабарламасында.