Бразилияда қаңтардың соңына дейін төтенше жағдай жарияланды
Экс-президент Жаир Болсонаруның жақтастары Ұлттық конгресті басып алды
Бразилияның жаңа президенті Луис Инасиу Лула да Силваның инаугурациясынан соң экс-президенттің жақтастары елде жаппай тәртіпсіздіктер орнатты, деп хабарлайды Azattyq Ruhy шетелдік БАҚ-қа сілтеме жасай отырып.
Мыңдаған адам жаңа президенттің жұмысына наразылық танытып, Ұлттық конгресс, Федералды Жоғарғы сот пен қазіргі президенттің резиденциясын басып алған. Бірнеше сағат ішінде елдің құқық қорғау органдары тәртіпсіздікке қатысқандарды ұстады.
«Бұл адамдарды ұлттық туымызды ұстамайтындай немесе Бразилия футбол құрамасының туы бейнеленген киім кие алмайтындай жазалау керек», - деді қазіргі президент Лула да Силва.
Соңғы жағдайларға байланысты елдің басқа аумағында іссапарда жүрген ол мемлекеттің астанасында қаңтардың соңына дейін Төтенше жағдай жариялады.
