Талдықорғанда Алматы облыстық ПД экс-бастығы Серік Күдебаевтың соты өтіп жатыр
Бұл – алғашқы сот отырысы
Талдықорғанда Алматы облыстық полиция департаментінің бұрынғы басшысы Серік Күдебаевқа қатысты сот болып жатыр, деп хабарлайды Azattyq Ruhy.
«Бастапқыда сот процесі жабық болады деп жоспарланған. Бірақ қазір ашық өтіп жатыр»,- деді Жетісу облыстық соты баспасөз қызметінің өтікіл Нұрсұлтан Орынбасаров.
Бүгінгі Мәжіліс отырысында Бас прокуратура ұсынған фильмде Алматы облыстық полиция департаментінің бұрынғы басшысы Серік Күдебаевтың жұмыс орнын тастап кетіп бара жатқан видеосы жарияланған.
«Бірқатар өңірдегі қаңтар оқиғасы кезінде ҰҚК жергілікті бөлімшелері мен полиция департаменттерінің басшылары қарамағындағыларға жұмыс орнынан кетуге бұйрық берді. Мысалы, осы кадрлардан Алматы облысы полиция департаментінің бұрынғы бастығы, сол кезде комендант болған Күдебаевтың полиция ғимаратынан кетіп бара жатқанын көруге болады», - делінген қаңтьар оқиғасы туралы фильмде.
Айта кетейік, былтырғы мамырда Бас прокуратура Алматы облысы Полиция департаментінің бұрынғы бастығы Серік Күдебаевтың қаңтар оқиғасы бойынша күдікті деп танылғанын хабарлады. Сотқа дейінгі тергеп-тексеру «ауыр зардаптарға әкеп соққан қызметтегі әрекетсіздік» ретінде Қылмыстық кодексінің 370-бабы 4-бөлігінің 1-тармағы бойынша жүргізілді. Ол 2020 жылдан бастап 2022 жылдың қаңтарына дейін Алматы облысының Полиция департаментінің бастығы қызметін атқарған. 2022 жылдың 18 ақпанында ішкі істер органдарынан өз еркімен босатылды.
