Атырау облысында шаруа қожалығы аумағында құрамында есірткі бар өсімдік өсірілген
Күдіктіден 4кг марихуана тәркіленді
Атыраулық полицейлер шаруа қожалығын есірткінің фитозертханасына айналдырған күдіктіні қолға түсірді, деп хабарлайды Azattyq Ruhy.
Атырау облысы ПД Ұйымдасқан қылмысқа қарсы іс-қимыл басқармасы және Есірткі қылмысына қарсы іс-қимыл басқармасы қызметкерлері бірлескен жедел іздестіру шаралары нәтижесінде Махамбет ауданы Бейбарыс ауылында орналасқан шаруа қожалығында құрамында есірткі заттары бар өсіруге тыйым салынған өсімдіктерді сақтаған 1986 жылы туған тұлғаны анықтады.
Қожалықта 7 дана қарасора бұтасы мен 2 дана пакетке салынған есірткіге ұқсас кептірілген шөбі анықталып, тәркіленді.
«36 жастағы күдіктіге қатысты тергеу амалдары жүргізілуде. Аталған дерек бойынша ҚР ҚК 300-бабы 1 бөлігімен сотқа дейінгі тергеп-тексеру басталды. Өзге ақпарат ҚПК-нің 201 бабына сәйкес жариялануға жатпайды», - деп көрсетті Атырау облыстық ПД баспасөз қызметі.
