Алматы облысында жұмыртқа бағасын негізсіз көтерген фабрикалар тексеріледі
Монополистер 1 санатты тауық жұмыртқасын бастапқы сату нарығын талдаған
Бәсекелестікті қорғау және дамыту агенттігінің Алматы облысы бойынша департаменті өңірдегі екі құс фабрикасында тексеру жүргізеді. Бұл туралы ведомствоның баспасөз қызметі мәлім етті, деп хабарлайды Azattyq Rýhy.
Департамент қаңтар-қазан айларында Алматы облысы бойынша 1 санатты тауық жұмыртқасын бастапқы сату нарығын талдаған.
Оның қорытындысы бойынша «Алсад Қазақстан» ЖШС және «Сары-Бұлақ» ЖШС іс-әрекетінде Қазақстанның монополияға қарсы заңнамасы, атап айтқанда бәсекеге қарсы келісілген іс-қимылдар бөлігінде баға белгілеу және қолдау талаптарын бұзу белгілері анықталды.
Осыған байланысты мекеме серіктестіктердің атына хабарлама жіберді.
Алайда олар хабарламаны орындамаған, осыған байланысты департамент жоғарыда аталған компанияларға қатысты тергеу бастады.
