Бельгияда Еуропарламенттің вице-президенті жемқорлық бойынша ұсталды
Тағы төрт саясаткер бұл іске қатысы бар деген күдікке ілінді
Бельгияда Еуропарламенттің вице-президенті Ева Кайли және Парсы шығанағы мемлекеттерінің бірінің Еуропарламенттегі ықпалды "сатып алу" әрекетіне байланысты сыбайлас жемқорлық ісін тергеу аясында тағы төрт саясаткер ұсталды.
Тергеушілер белгілі бір ел туралы атап айтпайды. Алайда, бельгиялық бұқаралық ақпарат құралдары бұл қазіргі уақытта футболдан әлем чемпионаты өтіп жатқан Катар екенін жазады.
Беделді адамдарға Еуропарламентте ресми түрде аталмаған елдің мүдделерін ілгерілету үшін пара берілді деп болжануда.
Жұма күні Брюссельде жүргізілген 16 тінту барысында полиция компьютерлерді, ұялы телефондарды және 600 000 еуроны қолма-қол тәркіледі. Ұсталғандардың арасында Италиядан бұрынғы депутат, халықаралық кәсіподақтар конфедерациясының басшысы, ҮЕҰ директоры және депутаттардың бірінің көмекшісі бар. Бельгияның құқық қорғау органдары бірнеше айдан бері тергеу жүргізіп келеді.
Еуропалық парламент өз мәлімдемесінде ағымдағы сот процестеріне түсініктеме бермейтінін айтып, тиісті ұлттық органдармен ынтымақтасатынын атап өтті.
