Қазақстанда 4,5 млн адам баспанаға мұқтаж

Елімізде баспанаға мұқтаж азаматтардың саны 4,5 миллионға жеткен, деп хабарлайды Azattyq Ruhy агенттігі «Хабар 24» телеарнасына сілтеме жасап.

Алдағы 7-8 жылда баспанаға мұқтаж жандардың саны 10 млн-ға дейін артуы мүмкін. Мұны сала мамандары әлемде болып жатқан геосаяси жағдаймен және құрылыс материалдарының қымбаттауымен байланыстырады. Оның үстіне, елімізде ондай материалдары өндірілмейді және импортқа тәуелді екенімізді ескерген жөн.

Сондай-ақ отырыста ипотекалық бағдарламалардың жалпы халыққа емес, тек белгілі бір әлеуметтік осал топтарға қолжетімді екені айтылды.

Айта кетейік, тұрғын үйді сатып алу қолжетімділігі бойынша 113 елдің ішінде Қазақстан 33-орында тұр.