«Масқара әрекет»: АҚШ Украинаның инфрақұрылымын бомбалаған Ресейді айыптады

АҚШ «Украинаның маңызды инфрақұрылым нысандарына бағытталған зымырандық шабуылдары Ресей Федерациясының мемлекетімізге қарсы қатыгез соғысының өршуі» деп мәлімдеді, деп хабарлайды Azattyq Ruhy.

АҚШ-тың БҰҰ жанындағы Тұрақты өкілі Линда Томас Гринфилд БҰҰ Қауіпсіздік Кеңесінің отырысында Рсейдің әрекетін «масқара болуы» деп бағалады. Ол Ресей президенті Владимир Путин Украин халқына үлкен азап әкелу үшін «қысқы суықты қаруға айналдыруға тырысады» деп атап өтті.

«Ашық айтайық, бұл – маңызды инфрақұрылымдарды қиратуға бағытталған шабуылдар және Ресейдің қатыгез әрі еш ақтауға келмейтін негізсіз соғысының масқара көріністері», - деді Томас Гринфилд.

Ол орыстардың мұндай стратегиясын адамгершілікке жатпайтын әрекет деп атады. АҚШ өкілі Ресей Федерациясының бейбіт инфрақұрылымға жасаған шабуылдары ауқымды, бұл Украинадан тыс жерлерде де электр қуатын өшіруге әкелетінін атап өтті. Бұл шабуылдар Украинадағы ядролық нысандарға қауіп төндіріп отыр. АҚШ өкілі БҰҰ Ресей Федерациясының әрекеттерін батыл әрі сөзсіз айыптауға шақырып, жауапкершілікке тарту тетігін құру қажеттілігін айтты.

Соңғы тәулікте де Ресей тағы Украинаның маңызды инфрақұрылым нысандарына жаппай зымырандық шабуыл жасады. Әуе қорғанысы жаудың 51 қанатты зымыраны мен бес камикадзе дронын атып түсірді.

Шабуылдың соңы барлық атом станцияларының, көптеген жылу және су электр станцияларының уақытша істен шығуына әкелді. Электр беру объектілері де зардап шегеді. Украина территориясының көп бөлігі жарықсыз қалды, сонымен қатар су мен жылу беру желілірі де бүлінді.

Сәрсенбіде болған шабуылдан 10 адам қаза тапты.