Индонезияда жер сілкінісінен қаза тапқандардың саны 162-ге жетті

Индонезияда жер сілкінісінен қаза тапқандардың саны 162-ге жетті. Бұл туралы Azattyq Ruhy  Kompas басылымына сілтеме жасап хабарлайды.

Басылым Батыс Ява провинциясы билігі өкілдерінің мәліметіне сүйеніп, қаза тапқандардың басым бөлігі балалар екенін жазды.

Бұған дейін зілзаладан 56 адам ажал құшқаны хабарланған. Сонымен қатар 700-ден астам адам зардап шекті. Жарақат алғандардың 70%-ның жағдайы ауыр.

Естеріңізге саламыз, бүгін Индонезияның Батыс Ява провинциясындағы Чанджур қаласында 5,6  баллдық жер сілкінісі болған.