Мишустин қытайларға Ресейге кіруге тыйым салды

РФ Премьер-Министрі Михаил Мишустин Қытай азаматтарына Ресейге кіруге тыйым салатын өкімге қол қойды. Бұл туралы журналистерге коронавируспен күрес жөніндегі жедел штабта хабарлады, - деп жазады РБК.

«Ресейге сапар шегуге тыйым салу елге туристік, сондай-ақ іскерлік, оқу және жеке мақсаттармен баратын Қытай азаматтары үшін енгізіледі. Олар үшін шекара 20 ақпаннан бастап жабылады. Шешім «мемлекеттің қауіпсіздігін қамтамасыз ету, халықтың денсаулығын қорғау және жаңа коронавирустық инфекцияны таратпау мақсатында қабылданды», - делінген құжатта.

Сондай-ақ, Ресей билігі Қытай азаматтарының Ресейге кіруі үшін құжаттарды ресімдеуді уақытша тоқтата тұрады, оның ішінде визаға құжаттарды қабылдау, келуге шақыруларды беру, шетелдік қызметкерлерді тартуға рұқсат беру. Кез келген құжаттарды қабылдау 19 ақпаннан бастап тоқтатылады.