ШұғылCOVID-19: Өткен тәулікте 2,5 мың адамнан вирус анықталды

SpaceX 2021 жылы космосқа турист ұшыру жайлы келісімге қол қойды

Crew Dragon кемесімен төрт адам ғарышқа аттанады

Әйгілі SpaceX американдық Space Adventures компанияcымен орбитаға 4 турист ұшыру туралы келісімге қол қойды, - деп хабарлайды Space.com. Саяхат үшін  Crew Dragon кемесі таңдалған.

«Ұшырылым 2021 жылдың соңына қарай жоспарлануда. Ғарыш туристері орбитада 5 күн болады. Саяхат аясында халықаралық космос станциясымен  түйісу болмайды», - делінген  SpaceX компаниясының хабарламасында. 

Ұшу құны әзірге жарияланбай отыр. Бұған дейінгі ғарыш сапары ондаған миллион долларды құраған болатын. Айта кетейік, Space Adventures компаниясы осыған дейін де ғарышқа 7 туристі ұшырған болатын. 

2001 жылы американдық мультимиллионер Деннис Тито; 2002 жылы Оңтүстік африкалық кәсіпкер Марк Шаттлворт; 2005 жылы американдық кәсіпкерлер Грег Олсен және 2006 жылы Ануше Ансари; 2007 және 2009 жылдары Microsoft тең құрылтайшысы Чарльз Симони; 2008 жылы компьютерлік ойындарды әзірлеуші Ричард Гэрриот және 2008 жылы Cirque du Soleil негізін қалаушы Ги Лалиберте орбитаға сапарлап қайтқан.

Ал аспан кеңістігіне туристерді тасымалдайтын Crew Dragon – Dragon жүк кемесінің модификациясы. 2019 жылы халықаралық ғарыш станциясына жүк тасымалдап, жерге сәтті қонған. Ал Crew Dragon кемесінің алғашқы ұшырылымы 2020 жылдың көктеміне жоспарланған.