Коронавирустан көз жұмғандар саны екі мыңнан асты

Қытайда COVID-19 коронавирусынан қайтыс болғандар саны 2004 адамға жетті, деп хабарлайды Азаттық рухы тілшісі ТАСС агенттігіне сілтеме жасап.

Қытайдың Денсаулық сақтау жөніндегі ұлттық комиссиясының мәліметіне сәйкес, соңғы тәуліктің өзінде 1749 адам вирусты жұқтырса,136 науқас қайтыс болған. Ал, аурудан жазылып шыққандар саны  -1824 адам.

Коронавирусты жұқтырғандар саны бойынша алдыңғы орында Хубэй провинциясы тұр. Мұнда 61,6 мың адам тіркелген, оның 1921-і қайтыс болды.

Бұдан бөлек 9,2 мың адам ауыр халде жатыр.