Саяси реформалардың эволюциялық қадамы жасалды – депутат жария заңдар туралы

Мәжіліс депутаты Ерлан Сайыров сайлау процесі өзгеретінін айтты, деп хабарлайды Azattyq Ruhy.

«Мемлекет басшысы Қасым-Жомарт Тоқаев еліміздегі саяси реформаларды іс жүзінде жүзеге асыру жөніндегі заңдарға қол қойды. Біздің еліміздегі сайлау процесі өзгереді. Онда депутаттар бір мандатты округтен және пропорционалды партиялық жүйемен өтеді. Сондай-ақ депутаттардың мандатын халық қайтадан қайтарып алу құқығына ие болады», - деді депутат.

Оның айтуынша, партияларды құру жеңілдейді. Яғни, егер бұрын партияны құру үшін 20 мың адамның қолы қажет болса, қазір 5 мың адамның қолы жеткілікті.

«Оның процедуралары да жеңілдейді. Осының барлығы еліміздегі Конституцияның ең негізгі принципі – әрбір азаматтың сайлауға және сайлауға құқығын қайтадан өмірге алып келеді. Елімізде саяси реформалардың бірте-бірте эволюциялық және нақты қадамдары жасалды деп айтуға нақты негіз бар», - деді Сайыров.

Айта кетейік, 5 қарашада Мемлекет басшысы алты конституциялық заңға жария түрде қол қойған болатын.