Алматы әкімі аялдамада автобус күтіп жарты сағат тұрған

Алматы қаласының әкімі Ерболат Досаев Алмалы ауданының тұрғындарымен кездесуінде қоғамдық көліктегі проблемаларды айтты, деп хабарлайды Azattyq Ruhy.

Ерболат Досаев қалада қоғамдық көлік жетіспеушілігіне байланысты 300 жаңа автобус пен 100 троллейбус сатып алуды жоспарлап отырғанын мәлімдеді.   

«Өз басым №32 автобусты 33 минут күттім, себебі сол күні 4 автобус бағыт бойынша жүрмей қалған. Бізде қорда басы артық автобус жоқ. Сондықтан келер жылдың ішінде 300 жаңа автобус пен 100 троллейбус сатып аламыз. Мәселені қалай да шешу қажет», - деді Е. Досаев.