Қарағанды облысында Димаш Құдайбергеннің муралы салынды

Қарағанды облысында Димаш Құдайбергеннің муралы салынды, деп хабарлайды Azattyq Ruhy.

ІІМ баспасөз қызметінің мәліметінше, өңірдегі №33 түзеу мекемесінің клубында 3 метрлік қабырғаға қазақстандық әнші әрі сазгер, Қазақстанның еңбек сіңірген қайраткері Димаш Құдайбергеннің қабырға суреті салынды. Осылайша, Қарағанды ​​колониясында жазасын өтеп жатқан сурет талантымен мекеме басшылығын тағы таңқалдырды. Жазасын өтеуші Республика күніне орай әлемге әйгілі қазақ әншісінің портретін салғысы келген екен.

Колония әкімшілігі оны барлық қажетті материалдармен қамтамасыз еткен.

«Түрмеде отырып, шығармашылық қызметімді дамытуға көбірек уақыт бөле бастадым. Сурет салғанда уақыт мен үшін елеусіз өтеді, қиындықтар мен уайымдарды ұмытамын. Сурет салу мен үшін жай ғана хобби емес, өмірімнің бір бөлігі», - деп мойындайды сотталушы.

Енді Димаш Құдайбергеннің портреті мекеменің акт залындағы сахнаның алдыңғы қабырғасына сән беріп тұр.